ديوان محتاج لرصيد

الشاعر المهندس محمد محمود محمد شاعر عامية مصرى

مواليد القاهرة ١٩٨٦

حاصل على بكالوريوس الهندسة المدنية جامعة عين شمس

له ديوان محتاج لرصيد

معروف على كل وسائل التواصل الاجتماعي بإسم

الشاعر المهندس محمد محمود

نبذة عن الديوان

محتاج لرصيد؟! كل فرد بداية من جيل التمانينات محتاج لرصيد كل مهندس تحديدًا موهوب محتاج لرصيد..

إذا كنت من أصحاب ذكريات الفراق واللي رغم إنه فراق مازال مرافق دمهم ومازال مصاحب مشوارهم هتكون محتاج لرصيد..

إذا كنت من أهل الخيال و بتحلم بالنور ف بتعاني وتتحمل وتفضل متسمك بالخيط حتى وإن داب.. ولو لسه قلبك مُصر إنه يقاوم و روحك مثابرة لغاية ما توصل فأنت اكيد محتاج لرصيد

ولكل المذكور فيما بعد محتاج لرصيد

لأصحاب الفكر الصاحي في جوف الليل

لحبيب بيحب ماهوش طايل لكن قلبه لساه بيميل

ولحبِّيب تاني اختار واحدة.. وصحي فجأة..

لقى نفسه أب لعيال من أم حب عشرتها

لكل الناس اللـي بتمثل في كل حياتها بالفطرة

والمشاعر محبوسة كانت في الضلمة ليلاتي..

ولمحت دلوقتي طيف لحياتها

ولكل اللي عاش متعذب من شدة ألمه في الفُرقة..

وصبح متعشم في الوصفة اللي هتنتهي عذابه مع الذكرى

لأخينا الندمان على عمره اللي اتسرق وحس في ثانية إنه محتاج يشحن رصيد.. فكة.. يزود بيه سنين عمره

محتاج لرصيد هو ديوان شعري أشبه بالرحلة البحرية جوا محيط الكون الواسع هترسى بيك قصايده عند كل موطن هتحس روحك بتجوبه.. هتحتاج لرصيد إنك تكمل أو تقول لحبيبتك انا مليتك وتحتاج تسمع الست طول ما انت في الهندسة ماكث وبعد اما هتكتب رسالة الاكس اللى سبته هتتمني تقولها اعزميني على فرحك واعذريني و رغم إنك أنتِ أجمل نساء الزمان لكن تستحقى بلوك.. من حياتي.. و لو حياتك تشبه حياة شاب متمرمط أولو حبيبتك لسه موجودة في حياتك فأنت أكيد محتاج لرصيد وقبل ما تختم حديثك هتحتاج تقول رسالة اعتذار لـ٢٠٢٠ و تشكى البحر فـ حوارك و تبدأ كلامك ب عارف يابحر

ختاماً بفانتازيا الحب

محتاج لرصيد.. ديوان شعري بقلم الشاعر المهندس محمد محمود.. الصادر عن دار the writer operation

الاقتباسات

الدنيا معادلة و نتائجها دائما ثابتة

هتعوض في طرفها الأول بالمال

هتلاقى النقص في طرف الصحة

أو راحة البال

ركز في مواهبك بالفطرة

وإحلم و ابدأ أول خطواتها

الميل مشوار

و المشي سبيلك لنهايته

و الالماظ ده عيار لصحابي

و قفتهم جنبي في الدنيا

أغلى من خاتم ياسمينا

في فرحها ... و زفتها في كوشة

على رجل الأعمال أبو هشيمة

أنا المدبوح بدقة قلب

أنا المخدوع بصدقه في حب

أنا الشاري لناس بايعين

و أنا الخايف في عز النور

يا نعمة في حياتي... و هدية في حكايتي

و هدايه لطريقي و توبة و قبلة

يا أجمل نساء الزمان ..

يعد ديوان محتاج لرصيد طفرة أدبية في مجال الشعر، خصوصاً الشعر العامي، بالرغم من كون الدايون بالعامية إلا أنه له طبع خاص ومذاق رائع، وخليط مناسب يتذوقه كل المحبين، بين بداية ونهاية ولحظة خاصة أو فرصة متاحة يكون الحلم إما التحقيق وإما اليأس الذي لا إرادة فيه.

الديوان من إصدارات the writer operation ومتوفر في المعارض المحلية والدولية وقريباً في معرض القاهرة الدولي للكتاب 2021.

يمكننا متابعة الكاتب الشاعر المهندس محمد محمود لمتابعة أخر الأخبار والأشعار من خلال صفحة الكاتب على موقع التواصل الفيس بوك من هنا .


بقلم احمد طعمة