السلام عليكم و رحمة الله و بركاته

في أولى  حلقات ( الشيف عائشه) انهارده يا ست الكل هنعمل توست بالجبنه و رقه و قلم يا ست الكل و اكتبي ورايا المقادير

هنعوز 6 قطع من التوست

3 قطع من الجبنه

و هاخد بيضه يا ست الكل

و زبده عشان احمص فيها التوست

نبدأ الوصفة يا ست الكل بِسْم الله الرحمن الرحيم

اول حاجه هعملها هجيب التوست و هشيل الأطراف كده ، يا تكاتك يا حركاتك يا شيف عائشه

و بعد كده اجيب الجبنه زي ما إنتوا شايفين كده الله الله الله ايه الجمال ده يا عّم عائشه و بعد كده هحط شطيره جبنه مابين ٢ توست 

و هروح فاصل و نرجع نكمل تاني انتظروني

اهلا وسهلا بيكي يا ست الكل مره تانيه

بعد ما خلصت كل التوست هجيب البيضه الجميلة بتاعتنا و هكسرها و احطها في طبق و أحط عليها رشه ملح رشه فلفل اسمر رشه فانيليا و هغطس التوست في البيض 

و علي النار هحط الطاسه الجميلة بتاعتنا و هدهنا زبده و أحط التوست بتاعي الجميل كده زي ما حضرتكوا شايفين يا جمالوا يا جمالوا ايه الحلوه ديه زي ما انتو شايفين وش التوست اتحمر هقلبه علي الوش التاني

و هروح فاصل و ارجع تاني انتظروني

حمدالله علي سلامتكوا من الفاصل طبعا زي ما إنتوا شايفين خلصت التوست بتاعي الجميل اهو يا سلام علي تكاتك و حركاتك يا شيف عائشه

و بكده خلصت حلقه انهارده أشوفكم الحلقه الجايه في أمان الله