مرض جديد في الصين من الفيران؟!


الصين بلد كبيرة جدًا جدًا جدًا ونتيجة أختلاطهم بمختلف أنواع الحيوانات، فبالتالي بيجيلهم أمراض كتير من اللي بتصيب الحيوانات زي الطيور والخنازير وكورونا كده وحتى بيظهر كل حين والأخر الطاعون وبيتعالج عادي.


في نوع من الفيروسات بيصيب الفئران والقوارض بصفة عامة اسمه فيروسات هنتا، ودا غير قاتل للقوارض ولكن لو انتقل للبشر، احيانا قد يسبب حمى وامراض في الرئة واحيانًا ما بيعملش اي حاجة خالص.


الفيرس دا بيصيب الانسان إزاي! 

فقط في حالة الاختلاط الكثيف ببراز القوارض او البول بتاع القارض المصاب بيه.. مابينتقلش بأي وسيلة تانية غير كده ولا بينتقل بين البشر خالص ولا بينتقل بالهوا.. 

فقط بإنك تمسك بول او براز قوارض مصابة وتلعب بيه (تعرض كثيف يعني)


حالات قليلة جدا ومتفردة عشوائية بتظهر في الصين كل فين وفين وبيتم علاجها عادي نتيجة اختلاطهم بالفئران والموضوع بيعدي، وواحد شغال في مزرعة امبارح تعرض لبول وبراز فأر مصاب بالفيرس وكان عنده مشاكل صحية ومات.


دا مش اول واحد يتصاب ويموت ولا الاخير، والخبر دا لو ظهر في وقت تاني، محدش كان هيهتمله، بس كورونا عامله للناس هسهس.


اللي بتقرأوه في كل البوستات المنتشرة إن الشخص اللى مات ركب أوتوبيس في 32 واحد وكلهم ايجابين، غير صحيح، لأن الفيروس ده هو اصلا ما بيتنقلش باللمس ولا الهوا ولا الرذاذ والموقعين تلاتة اللي نقلوا الخبر، كاتبين انه تم فحصهم للتأكد مش اكتر انهم ماتعرضوش لبول الفأر المصاب زي الراجل اللي مات، مش عشان الراجل نقلهم الفيرس ولا حاجة.


لو واحد فقط من اللي عمالين ينقلوا الخبر دول، قرأ الخبر فعلا في الموقعين اللي منزلينه، عمرهم ما كانوا هينشروه لأنهم بنفسهم في نفس المقالات المنشورة في الجرايد، قايلين مابيتنقلش وسط البشر ومش أول حالة ومهواش زي كورونا.. عامل زي أكنه واحد في القاهره جاله سرطان مثلا، فواحد في السودان خايف ليتعدى منه وهو أصلا مش مرض معدي ولا قريب منه.


تاني وتالت، ماتقرأش أي هبل أي حد يكتبهولك وهو أصلا لا قرأ ولا يفهم حادمتجه عن اللي بينشره.