هو انا ليه لازم العب رياضة 🏃♂️⛹️♀️🏋️♂️🤾♀️

معتقدات معظم الناس عن الرياضة

- بتخلي جسمك شكله حلو 💃🕺

- بتخلي عندك عضلات ( فكرة معظم البنات لو روحت الجيم هيطلعلي عضلات ) 💪

- الرياضة حلوة للصحة بس متعبة 🗣

- الرياضة للناس الفاضية اللي عندها وقت 🕛

كل الكلام دا صح و لكن

الرياضة بتحلي شكل الجسم فعلا

بس مش هي دي الفايدة الوحيدة

ممارسة الرياضة بتقوي صحة جسمك الداخلية قبل شكلك الخارجي

بتخلي قدرة خلايا الجسم اعلى ف وظيفتها و قدرتها ع التخلص من السموم

و بالتالي عمر اطول بدون اعراض شيخوخة تظهر عليك خارجيا و داخليا

بتحسن الحالة النفسية عن طريق افراز مواد اسمها الاندروفين وهي المسؤولة عن تحسين المزاج و المادة دي نفس المواد الموجودة ف المخدارت 😎

بتعلي قدرة جهازك المناعي ( الامن القومي لجسمك )

بتحسن قدرة القلب و الجهاز الدوري و توصيل الدم للانسجة الطرفية

و اكتر نسيج طرفي هو الجلد..نضارة بشرتك و الشعر وعدم ظهور التجاعيد له علاقة وثيقة بالدم و التغذية اللي بتوصل للاطراف

العضلات 💪 و بالذات للبنات 🙆♀️🙅♀️

زيادة الكتلة العضلية مش هتخلي شكلك معضل

الموضوع له علاقة بالهرمونات

عند الرجال هرمون التيستوستيرون هو المسؤول عن تكبير حجم العضلات و الرياضة بتعلي الهرمون دا جدا و بالتالي الحجم العضلي بيزيد و كل حاجة متعلقة بالذكورة هتتحسن

عند البنات نفس الهرمون موجود ولكن بنسب بسيطة فالكتلة العضلية هتزيد ولكن هتخلي شكل الجسم احلى بدون ما تبقي معضلة زي الرجال

وكمان هتحسن اداء هرمون الاستروجين ف توزيع الدهون ف الجسم .. العبي رياضة 🏃♀️ و شيلي حديد 🏋️♀️ ما تقلقيش

فايدة العضلات ايه

العضلات القوية 💪 بتحمي المفاصل 🦵🦶 و تخلي القدرة ع تحمل المجهود اعلى بدون تعب و تحمي ضد حدوث الالتهابات و خشونة المفاصل

وفيه ارتباط بين العضلات و الاعصاب

العضلة قوية يعني اعصاب قوية .. الاتنين بيتحسنوا مع بعض لانهم جهاز واحد شاغلين ف وحدة واحدة

فيما يسمى بالوحدة العصبية العضلية

هل الرياضة متعبة ؟

اه متعبة طبعا بس دا للي مش بيمارسها باستمرار

بمجرد ما جسمك ينتظم ف الرياضة و تخليها جزء اساسي ف اسلوب حياتك بتبقى مش متعبة

بل بيكون عندك اشتياق للاحساس اللي بتعمله التمرينة ف جسمك و بتتكون جواك عاطفة ناحية وقت التمرين

الرياضة عايزة وقت و فلوس 🕰💵💶

احنا هنا عشان كدا

دا معتقد وهمي جدا

انت محتاج ٤٥ دقيقة بحد ادنى مرتين اسبوعيا

وممكن مرة واحدة ف الاسبوع

وممكن ١٠ دقايق بس مش ٤٥ دقيقة

ومش شرط تروح مكان معين عشان تمارس الرياضة

ف اي مكان و بأي ادوات متاحة و ممكن بدون ادوات اعتمادا بس ع وزن الجسم

ودا هيجيب نتيجة..ايوا هيجيب نتيجة

الاستمرارية هي المفتاح

مش مهم انت بتلعب اد ايه .. امتا و فين

المهم انك بتلعب رياضة و مستمر

ومتأكد انك مع الوقت هتوفر وقت اكتر لما تلمس نتايجها عليك و تحسينها لادائك ف حياتك

مهما كان عمرك و مشاكلك الصحية..هيكون فيه رياضة مناسبة ليك

انت لسه بتفكر .. خد قرار دلوقت " الرياضة جزء اساسي من حياتي "💪💪💪💪💪💪