في يوم تعبت ام مديحه كامل وقعدت معاها ترعاها

مديحه كانت بتبص لوالدتها وهي مريضه وبدأت تعيد حساباتها وتفكيرها

وتقول المرض مالوش ميعاد والموت مالوش ميعاد رغم انها عندها القلب من وهي صغيره

مع بداية رمضان 92 فكرت تروح لشيوخ وتتكلم معاهم وتفهم هي صح ولا لا وتفهم الدين اكتر

من اللي راحت لهم الشيخ الشعراوي

وقالتله يامولانا عايز اتعلم الدين..؟؟

قالها : الدين تتعلميه في 5 دقايق

... لكن في حاجات تانيه تتعلميها وتعمليها بنفسك

عشان درجتك تزيد عند ربنا

بعد كلام الشيخ الشعراوي دخلت في نوبة بكاء شديده وقررت بعدها الاعتزال

وكانت بتصور فيلم بوابة ابليس ورفضت استكماله

..... وكملوا تصوير المشاهد الباقيه من خلال دوبليره لانها رفضت تكمل اى مشهد تاني 🎞️

وبدأت تروح دروس العلم والدين اكتر لحد مااتحجبت 📚

- اخر ظهور لها كان برنامج "حوار صريح جدًا" عام 1995

وتم منع عرض الحلقه لانها هاجمت الوسط الفني بشده

- حسن الخاتمه....

في رمضان 97 نصحها الدكتور بعدم الصيام ورفضت كلامه واصرت تصوم وكانت كل يوم بعد صلاة الفجر تقرا قرأن لمدة ساعتين وكانت بتنام الصبح

.... في يوم 4 رمضان قامت وتوضأت وصلت الفجر جماعه هي وبنتها وجوز بنتها وقعدت تقرا القرأن

وبعدها دخلت تنام وكانت النومه الاخيره

الخلاصه......

مديحه كامل اللي محدش شاف فيلم لها

الا وقال نهايتك هتبقى ايه و حسابك هيبقى ايه عند ربنا..؟؟

ماتت موته كلنا نتمناها وبندعي ربنا بيها

في رمضان وصايمه رغم المرض

ومصليه الفجر جماعه وقرأت قرأن

ياجماعه الخاتمه لايعلمها الا الله

توفيت العملاقة الجميلة يوم 13 يناير 1997 رحمها الله تعالي برحمته الواسعه يارب العالمين