* ده نص كيلو بانيه متقطع شرايح

هتشوحي بصلة متقطعة جوانح في معلقة سمنة او زبدة او زيت و لما البصلة تصفر تنزلي عليها بطماطم جوانح  و جزرة مبشورة و نص كوباية مياه و سيبيهم شوية مع بعض لحد ما يتجانسوا مع بعض كويس

بعد كدة انزلي بالفراخ بقي و البهارات اللي تحبيها انا بفضل

ملح 

فلفل اسود

 شطة

 معلقة كبيرة سبع بهارات 

زعتر

و معلقة سكر و معلقة عسل ابيض

* الرز

مغسول و منقوع شوية عشان يستوي علي طول

بصلة مفرومة في شوية زيت تصفر شوية و انزلي عليها بمعلقة سكر عشان يتكرمل بعدها نزلي جزرة مبشورة و حطي مياه نفس عيار الرز انا عملت كوبايتين رز حطيت كوبايتين و نص مياه و ملح و فلفل و معلقة سبع بهارات و لما المياه تغلي اوي  حطي مكعب مرقة لو بتستخدميها و نزلي الرز و سيبيه يستوي عادي ( نار عالية لحد ما يبتدي يتشرب و بعد كدة غطيه و تكون النار هادية )

* صوص الكبسة

في الكبة

هتحطي  طماطم حسب الكمية اللي تحبيها و لو عايزاها حامية حطي فلفل حامي عايزاها باردة حطي فلفل رومي و عليهم ٤ فصوص ثوم و ملح و فلفل و شطة و كزبرة ناشفة و خل و شوية مياه و معلقة صلصة كبيرة و نعناع ناشف و عصرة ليمونة و اضربي كله مع بعض

و بالهنا و الشفا 💜