كيك النشا علي طريقتي 🥧

المكونات :

عدد ٢ بيضة

عدد ١ كوب دقيق منخول

عدد ١ كوب نشا

عدد ١ كيس بيكينج باودر

عدد ١ كيس ڤانيليا

نص كوب زيت

ربع كوب لبن

عدد ١ كوب سكر

عدد ١ معلقة خل صغيرة

عدد ١ علبة زبادي

صوص التشوكليت : 

عدد ١ كوب لبن دافى لتسهيل ذوبان السكر

عدد ١ كوب كاكاو خام او نسكويك 

نص كوب زيت 

نص كوب سكر بودرة

للتزيين : بسكويت مطحون

الطريقة :

نضرب البيض و الفانيليا مع معلقة الخل بالمضرب الكهربائي 

بعد كدة ننزل السكر و الزيت و نكمل ضرب كويس و ننزل الزبادي  و نكمل ضرب لحد ما القوام يبقي متجانس 

ننزل الدقيق واحدة واحدة بعد كدة النشا و ننزل اللبن و نضرب كويس اوي اوي 

بعد كدة نبطن الصينية بدقيق و زيت و ننزل فيها بخليط الكيك و ندخلها الفران علي حرارة ١٧٠ نص ساعة ( يكون الفرن اصلا سخن من قبل ما ندخل الصينية )

صوص التشوكليت :

 في الخلاط ننزل الكاكاو و اللبن و السكر البودرة و نضربهم كويس 

بعد كدة ننزل الزيت بالسرسوب لحد الصوص ما يتقل 

نصبه في كوباية و ندخله التلاجة لحد ما الكيك يستوي

بعد ما نخرج الكيك نسيبها تبرد و بعد كدة نحط عليها الصوص 

و نزينها بالبسكويت المطحون و بالهنا و الشفا ❤