حياتنا طريق طويل وكلنا بنسوق واحنا اللي بنقرر هنروح فين وامتى هنوصل وهنمشي من اي اتجاه وهنخسر اي وهنكسب اي بس غالبا الكل بيكون فرحان بالمكسب ومحدش عامل حساب ل الخساره
زي ما هتكسب هتفقد حاجه بقصد او بدون
بس الشاطر هو اللي يكسب اكتر من ما يخسر وطوال ما هو ماشي ف الزحمه يمسك لسانه وميغلطش
ويقدر المواقف والظروف ويحترم الطرف الآخر من القضيه حتى لو الاتنين عكس بعض
ليه دايما بنحب نمشي ع الاسفلت مش المكسر
عشان سألك ومش بيتعب ومش هيكسر العربيه
خليك زي الاسفلت سألك وانت هترتاح والناس هتفهم بسرعه انت عايز اي وصراحتك ف المواقف بتحترم
بلاش اللئم والخبث بلاش تكون اناني مع ناس حبتك
وتستغل طيبتهم عشان مصلحتك
وبكلمه وحده الابتسامه بتترسم
وطول ما انت ماشي ومركز ف طريقك ومركز جداا
هتوصل اسرع
وفرمل ع أعصابك وافصل بين تشتت افكارك والسواقه
اختار مين هيركب معاك ويكون وقت الشده جنبك ومين هيستغني عنك مين هيقولك حاسب ومين هيسيبك تتخبط
وعند اول محطه قرر هتستغني عن مين وهتحتفظ بمين وكمل طريقك بكل ثقه،
المطب الصناعي ف الشوارع بيدي إنذار ل السائق يهدي السرعه و يبطئ وبعد ذلك يعيد اتزانه ويكمل بسرعه اعلي
المطب الصناعي هو بقا المشاكل اللي بنهدي فيها ونعديها عشان نرجع أقوى
وتسأل نفسك انا ازاي وصلت لكده بسرعه وتبص ل السماء
وعينك بتلمع لسانك بيردد الحمدلله 💙
ومهما طريقك طول والحمل زاد والضغوطات مأثره عليك من كل الجوانب هتوصل وهتحقق اللي انت عايزه بس ركز ع هدفك،
كل الحكايه السكه طويله والايام بتجري اصنع من الحياه حكايه بدل ما هي تصنع منك لعبه!!........
#سارا_عطيفي