- مرحبا بكم في المنطق 51 ..

الإحداثيات : الولايات المتحدة الامريكية جنوب ولاية نيفادا , أرض الأسرار المخيفة ..

الولايات المتحدة الامريكية بعد فوزها في الحرب العالمية التانية بدأت الحرب الباردة مع روسيا و هنا بدأت تدرس مشروع ضخم جدا عن تطوير الانسان و ازاي يقدرو يطورو

قدرات البشر و يكونو خارقين علشان يقدروا يسيطروا علي العالم و خصصوا المنطقة 51 علشان تكون مكان التجارب علي البشر مش بس كدا دي مكان دراسة الفضائيين ودا اللي هنعرفه كمان شوية ..

بدأت أمريكا تعمل دراسة علي البشر و كان لازم متطوع يكون محل ثقة و هنا تطوعت بنت العالم اللي هيعمل التجربة و بالفعل نجحت التجربة علي حد زعمهم لكن و مع مرور الوقت البنت حصلها تشوهات كبيرة جدا و اصبحت مسخ صعب جدا التعامل معاه و في نهاية المطاف كان القرار بقتلها ..

و مش بس كدا المعامل هناك مجهزة بتطوير كل أنواع الفيروسات و العقاقير و طائرات التجسس عالية الدقة اللي بتقدر تتحرك علي ارتفاع عالي جدا مترصده كل شيء في منتهي الدقة , المنطقة 51 حقل تجارب لكتير من المشاريع المخيفة اللي بتعملها أمريكا لكن اغربها هي علاقة المنطقة دي بالكائنات الفضائية اللي بتهبط هناك بالاطباق الطائرة و كمان بيعملوا أبحاث علي أجسادهم بس دا يمكن اساطير , بس أهالي المنطقة هناك شافوا جسم طائر وقع من السماء و السلطات الامريكية اخفت الموضوع تماما عنهم و قالت ان دا جهاز تبع سلاح الجو الأمريكي , مليون شخص علي فيس بوك استجابوا لاحد المواطنين اللي كان عاوز يقتحم المنطقة دي و هنا اعلن سلاح الجو الأمريكي تصديه الكامل لاي حد ممكن يقرب للمنطقة في فيديو متسرب من المنطقة 51 و بيوضح عملية تشريح لكائن فضائي ..

- هل فعلا أمريكا قدرت توصل لكائنات في الفضاء و تتعامل معاهم , هل هما بيعملوا تجارب علي البشر فعلا علشان نشوف سوبر مان بس في الحقيقة , أي هي الاسرار و الخفايا اللي أمريكا مش عاوز العالم يعرفها عن المنطقة دي ..