#القرين 


"لكل إنسان قرين صديق أو عدو له "

القرين هو شخص مسلط على كل إنسان مسلم و كافر و ملازم للإنسان طوال حياته ، هو مخلوق من أعلى طبقات الجن و هو عنيد و متكبر و شرس جدا و خبيث و سيئ جدا .


القرين مايتحرڨش و مايموتش لأنه مقرون بالإنسان يرحل كي يموت الإنسان ، ممكن يكون القرين مصاحب للإنسان حتى في القبر و ممكن يكمل حياتو و يدير واش كنت تدير أنت و يشوفوه الناس يحسبوها روحك بصح هو القرين .


القرين هو أكثر شيئ يعرف الإنسان .. يعرف واش يدور في راسك و يعرف أسرارك و أفكارك ، يعرف واش تقرا و اش تكتب و يراقب كل أفعالك و تصرفاتك . و يعرف حتى أنك تقرا ذرك فالسطاتي تاعي .


القرين هو أسوء شيئ ، ينهيك على الصلاة و العبادة و يعزلك على الناس .


القرين أسمو يكون عكس أسمك مثلا أنا "أيمن " قريني أسمو " نميا" ، سارة قرينها "تراس" ... و إذا كنت ذكر قرينك راح يكون أنثى و إذا كنت أنثى قرينك راح يكون ذكر .


القرين ثاني يشعر بالملل يدير أي عفسة باه ينوضك من النوم فالليل و يشوف معاك الحوايج لي تديرها ( يشوف محادثاتك مع حبيبك مثلا ، يخليك تخرج تتكيف دخان كيما يديرلي ، يخليك ممكن تخرج تدور برا ) موهيم يخليك تدير عفسة يشوفها و ينحي الملل تاعو .


القرين سيئ بصح يبكي عليك مرة وحدة كي تموت مقتول و يروح و يبقى معاك فالقبر .


القرين عندو ثقافة الإنتقام يعني أي واحد يتسببلك في الحزن يروح ينتقم منو ( خطرة كنت صغير ضربني واحد بعدها بيوم سمعت بيه طاح مريض كي قلت لواحد قالولي هذاك القرين إنتقملك منو )


القرين أحيانا يحب يهدر معاك و يتواصل معاك بصح مايعرفش كيفاش ، يبدا يدير فالأصوات في وذنك مثلا صفير  

نتا تسمعها و تحير فالمصدر .


ممكن تشوفو في المرايا ، و يقولو في الظلمة أبقى مركز في المرايا ذرك تشوف القرين . لكن أنا شخصيا ماننصحش بهاذ الشييء .

أخيرا القرين هو شيطان مسلط عليك باه يختبر طاعتك لله و قوة إيمانك .


*خاوتي هاذي مقالة صغيرة و خفيفة لي عندو أي سؤال ولا لبس في حاجة يحطها ممكن يلقى الإجابة و لي يعرف حاجة ينورنا 💕💙